Skilnaden mellom topp og botn i fjerdedivisjon kom klart til syne då Klepp gjesta Rosseland fredag. Heimelaget spelte ein kamp det det jamne, men var langt unna presisjonen og tempoet dei har vist i det siste. Likevel vart det komfortabelt mot eit Klepp lag som forsvarte seg lågt.
Som for ni dager sidan mot Randaberg, slo Einar Tunheim Lye an tonen med ny dødballscoring etter ni minutt. Som mot Randaberg skulle det bli det første av tre.

Truls Sælevik Vagle ville ikkje vera dårligare. Midtvegs i omgangen oppfatta hovmesteren at Klepp-keeperen stod litt langt ute. Eit kjapt og presist frispark vart slått frå eigen banehalvdel i boge over Thomas Kyllingstad. 2-0 og årets mål!

Klepp var ikkje heilt ufarlege, men då Lye auka til 3-0 midtvegs i andre omgang var kampen på mange måtar over.
Rosseland tok litt foten av gassen, men scora tre mål til før laga tok haustferie.
Vikarspiss Vetle Hovland scora eit spissmål i god Hovland-stil, den suspenderte tvillingbroren
Sondre applauderte frå speakerplass.

Einar Lye putta sitt tredje, medan innbyttar Jacob Beschel skora sitt første RBK-mål på overtid. Også det på dødball.

Rosseland trygga med det plassen på toppen av tabellen. Det gjenstår fem kamper av årets sesong, Rosseland har eit eventuelt opprykk i eigne hender.

6-0 er den største sigersmarginen i seriesamanheng mellom laga. Den tidligere rekorden stod Morten Sørensen, Terje Aasen og co for då dei slo Jarle Hadland, Bjarte Brunes med fleire 4-0 på Hognestad i 1999.

KAMPFAKTA