Det tok berre 81 sekund før ballen låg i nota i nabooppgjeret på Aarbakkebanen. Etter flott kombinasjonsspel langs venstrekanten kunne Einar Lye spasera inn 0-1.

Dei oransje har vunne komfortabelt i dei siste innbyrdes oppgjera, men årets unge Bryne 2-lag ga seg ikkje etter den tidlege kalddusjen.
Faktisk stod laget godt i mot og skapte fleire gode sjansar til å utlikna.
Ein opplagd Oscar Gåsland storspelte som vanleg mot gamleklubben og hindra baklengs.

Då Truls Vagle måtte gje seg med skade, kom Jacob Beschel inn og gjorde manns jobb i midtforsvaret ved sidan av kaptein Peter Time.
Framover vart det mykje nesten for Reime, Apneseth, Hovland og Aune, men 1-0-leiing til pause var fortent nok.

Bryne 2 pressa på også etter kvilen. Det var nerve i kampen heilt til Imre Aune gjorde 0-2 midtvegs.
Heilt avgjort vart det ikkje før Kristen Reimes avslutning vart forlenga inn i mål av Sondre Hovland.
Vetle Apneseth fastsette resultatet til 0-4 etter flott flikk frå innbyttar Øyvind Braaten.

Rosseland står med full pott etter to lokalderby. No venter skarpskodde Haugalands-lag, kampane kjem tett framover.

Bryne 2 har fått ein tung start på sesongen, og står med eit poeng på tre kampar.

KAMPFAKTA