Rosseland tok turen over Hetlandsgata for første gong på 12 sesongar for å spela seriekamp. Bryne II gjekk ut høgt tempo mot dei ubeseira gjestene, men vart hardt straffa på kontringar.
Hurtigtoget Kristen Reime gjorde livet surt for Bryneforsvaret og Sem Aleksander Bergene, då han kontra inn 0-1 og 0-2 i løpet av opningskvarteret.

Stengde buret

Bakover, i motsatt ende, stengde Oscar Gåsland buret, og sørga for at gjestene leia til pause. Truls Vagle hadde sjansen til å auka til 0-3 rett før halvspelt omgang, men tidlegare lagkompis, Bergene, redda straffesparket på flott vis.

Kontrollert andreomgang

Ein fartsfull førsteomgang var avløyst av ein litt rolegare andre. Rosseland hadde meir ball etter kvilen og slapp ikkje heimelaget til føre mål.
Då Peter Aarrestad Time styrde inn ein ny corner med pannebrasken, for tredje kamp på rad, såg dei stadig yngre brynejuniorane ut til å mista motet.

Rosseland skapte fleire store sjansar, og fekk to scoringar annullerte for offside.
Eit par minutt før slutt fekk Bryne II sitt trøystemål, men sigeren var aldri truga.

22 år sidan sist

Rosseland tok sin femte strake siger, den første i seriesamanheng på Bryne stadion mot Bryne II sidan 2001!
Blant dei mange gode eks-brynespelarane på Rosseland, utmerka Oscar Gåsland, Peter Aarrestad Time, Geir Dahle Høyland og Ola Selliken seg spesielt. Kristen Reime imponerte med fart og gode avslutningar og kunne hatt tre scoringar dei 45 minuttane han spelte. Herman Rasmussen herja på motsatt ving, og på topp dreiv ein annan tidlegare brynespiss,
Sondre Hovland, bryneforsvararane til vannvidd og skaffa mellom anna straffespark.

KAMPFAKTA

Aune tilbake

Even Aasen, Truls Vagle og Andreas Aarrestad Time, alle eks Bryne, utgjorde ein solid forsvarsfirer saman med kaptein Time.
Etter pause var Imre Aune tilbake i manesjen etter eit lengre utanlandsopphald.

Det er godt å ha fleire strenger å spele på når kampane kjem tett som hagl framover.
Fredag møter Rosseland EIK II, tirsdag kjem Varhaug på besøk.