Heimelaget måtte gjere mange endringar frå laget som tapte mot Sola sist. Karantener, sjukdom og jobb gjorde at Kai Ove Stokkeland måtte stokke om i alle lagdelar mot Vardeneset.

Heimelaget var uvant tamme i duellane, og løpsmaskinen Ola Selliken var sterkt sakna på midtbana.
Vardeneset var som venta tunge på dødball og gode i bakrom, Tasta-laget straffa Rosseland hardt før pause. Ei perle frå Kristen Reime reduserte for heimelaget, men dei oransje var uvanleg ineffektive på eige kunstgras.

Med 1-3 hadde Rosseland ein tung jobb etter kvilen, men laget jobba seg sakte men sikkert inn i kampen. Andreas Aarrestad Time sette inn 2-3, medan banens beste Kristen Reime sørga for balanse.

Einar Lye krangla inn 4-3, men dommeren annullerte til stor undring frå dei fleste på og utanfor banen.

Dermed endte årets siste kamp med 3-3 og uavgjort mot eit ganske bra Vardeneset-lag. Rosseland er ubeseira på eige kunstgras denne sesongen og kunne feire at begge sesongmåla vart innfridd; 1. runde i cupen og ein betre tabellplassering enn året før.

KAMPFAKTA

Det er berre å gle seg til ein ny sesong i fjerdedivisjon, kanskje blir målet ein endå høgare plass på tabellen neste år?

2024-sesongen blir utan Jan Rune Hoff. 34-åringen spelte sin 358. og siste kamp fredag, det er berre Sigval Bryne, Kurth Gausland og Svein Arne Monsen som kan skilte med fleire A-kamper for dei oransje.
Jan Rune har vore ein stødig høgreback i 16 sesongar, ein kjernekar på og utanfor banen og ein flott representant for Rosseland Ballklubb i alle høve. Hoffasen vil bli sakna på bana og i garderoben, no startar jobben med å fylgja opp unge Hoffasar. Kanskje får me sjå ein ny #2 Hoff om nokre år.