Tre dager etter comebacket på Lassa, stod eit nytt Stavanger-lag klare til å møta formlaget Rosseland. SIF gjekk ut i hundre og overraska heimelaget. Spesielt høgrekanten skapte trøbbel fram til han måtte av med skade. Gjestene skapte nokre sjanser, men Oscar Gåsland i Rosseland-målet tok det som kom.
I andre enden av banen smalt ballen i tverrlegger ved to høve. Vetle Apneseth og Geir Dahle Høyland testa metallet.

Den litt tamme førsteomgangen vart avløyst av eit fyrverkeri i andre omgang. Rosseland fekk det viktige førstemålet ganske tidleg. For fjerde kamp på rad stod Einar Lye for viktig scoring. Han fekk tid til å styra ballen i nesten tom mål etter flott angrep.
Peter Aarrestad Time auka på vanleg vis ved å skalla ein corner i mål like etter, Rosseland var nære både 3, 4 og 5-0 før eit baklengsmål på dødball skapte ny nerve ti minutt før slutt.
Kampen bølga, Rosseland fekk enorme kontringsrom, men greide ikkje punktera kampen før i sluttminutta. Eit kunstmål signert Kristen Reime fjerna all tvil og Rosseland kunne inkassera tre nye poeng.

Ein del kontroversielle situasjoner prega kampen og protestane var mange, spesielt frå bortelaget som ville hatt straffe før pause og raudt kort for Oscar Gåsland. Rosseland fekk på si side annullert ei scoring på corner og hadde gode saker på eit par straffesituasjoner.

Kampfakta

No ventar ei vekes pause før lokalderby mot Bryne 2 og heimekamp mot EIK 2 i løpet av fire dager frå 8. - 12. mai.