Vidar II er på fjerdeplass på tabellen, og med siger kunne dei kom opp i ryggen på trioen på toppen. Det vart snakka om eit potensielt bananskal for Rosseland, men dei oransje er ikkje lette å slå på heimebane.
Etter ein javn førsteomgang, der ingen av laget skapte mange og store sjansar, smalt det to gonger rett før pause.
Som ofte før var store, sterke Peter Aarrestad Time sist på eit corner frå Truls Vagle. Det viktige førstemålet signert kapteinen har nesten blitt eit varemerke for årets Rosseland-lag.
Det var heller ikkje ei stor bombe at Sondre Hovland sette 2-0 på iskaldt vis. Spissen har ein tendens til å setja dei vanskelege og svi dei opplagte sjansane, dette var og tilfellet for Rosselands nummer 9 mot Vidar II.

Andre omgang var prega av lågare tempo, stillingskrig og mange bytter på begge lag. Rosseland kontrollerte kampen, me noterte ingen verkeleg store målsjansar for Lassa-laget som kom frå sju strake utan tap.

Peter Aarrestad Time fekk sitt fjerde gule og må stå over mot SIF laurdag. Kapteinen blir sårt sakna i begge boksane, og andre må ta ansvaret med å setje det viktige første målet

Les også:

Råsterkt comeback på Lassa