Rosseland varta opp med fire scoringar, men og slurvete forsvarsspel og variable prestasjonar mot Randaberg laurdag. Det vart likevel siger mot svarttrøyene frå den grøne landsbyen.

Gjestene mangla mykje folk grunna jobb, sjukdom og reise, dette bana veg for tre rekordunge debutanter. Marcus Bjerga Monsen, Samuel Kalaeb Yacob og Stig Hodne Tveit fekk alle sine første minutt på seniornivå. Trioen speler til vanleg på Rosseland sitt G15-lag, men har hospitert på A-lagstrening dei siste vekene.

2010-gjengen utgjer dermed ei sjeldan liste av 15 år gamle debutanter som har spelt A-kamp for Rosseland, frå før er Emil Selliken og Noa Aarrestad på denne lista.

#KAMPFAKTA