Rosseland er det beste breddelaget på Jæren, og har poengmessig levert ein av dei beste seriesesongene i A-lagets historie.
2,14 poeng i snitt pr kamp er litt under snittet i 2023 (2,46) og 2022 (2,25), men det er likevel sterke tal i historisk perspektiv.

Berre nesten

Likevel sit ein med ei kjensle av at laget misbrukte sjansen til å levere det heilt store. Ikkje opprykk til tredjedivisjon, men 2. plass på tabellen, 1. runde i NM og finale i Rogalandscupen var så absolutt innan rekkevidde.
Hadde laget sett ein liten del av dei enormt mange sjansane laget produserte, kunne sesongen sett enda litt betre ut for dei oransje.
Spesielt fekk sjansesløseriet mot Forus og Gausel i den andre kvalikrunden til NM og semifinalen i Rogalandscupen mot Vardeneset konsekvensar, men sjølvsagt og dei to siste seriekampane mot Frøyland og Torvastad då Rosseland gjekk mållause av banen.

Brente sjansar

66 seriemål og 34 innslupne er eit stykke frå rekordtala i 2023 med 101 scoringar og 23 innslupne. Fire færre kamper forklarer litt av trenden, men ikkje heile historia. Rosseland sette rett og slett for få sjanser i 2024! Toppscoraren, Einar Lye Tunheim, enda på 16 scoringar i alle turneringer, Sondre Hovland og Geir Dahle Høyland på 14 og 10.
Til samanlikning hadde dei tre mestscorande 26, 20 og 13 i rekordsesongen 2023.

Einar Lye hadde flest seriemål med 11 fulltreffarar, det held til ein niande plass på toppscorerlista. Frøylands Anders Haugen og Nords Adrian Molund Fjeldstad leverte 26 og 20 scoringar.

Kruttsterk haustrekkje

Haustsesongen med åtte strake sigrar i serien og avansement i Rogalandscupen var ei historisk bra rekkje. Spesielt med tanke på den store spelarflukten Rosseland opplevde etter vårsesongen

Med ni viktige spelarar ut, og berre fem inn, var det venta at Rosseland ville få ein tøffare haust enn vår. Slik vart det ikkje, tvert om. Trass i berre to poeng på dei siste tre kampane tok Rosseland flest poeng av samtlege lag i 4. divisjon avd 2 i haust.

Spelarar ut andre halvdel av 2024:
Oscar Gåsland, Imre Aune, André Håland, Vetle Apneseth, Edvard Rasmussen, Ola Mæland, Herman Rugland, Jacob Beschel, Andreas Ueland

Spelarar inn i løpet av 2024:
Steffen Olsson Bolme, Eskil Tjåland, Teo Vagle, Leander Egeland, Kristian Hodne Tveit

Ei kjerne av spelarar har vore med heile året og spelt dei fleste kampane. Vetle Hovland har flest kamper, heile 34 av 35! Einar Lye har 32, medan Kristen Reime og kaptein Peter Time har 31 kamper for Rosseland i år.

Svein Arne Monsen passerte 400 kampar i løpet av sesongen og troner på toppen av adelskalenderen. Anders Hognestad nådde 250 kampar i årets siste kamp, medan seks spelarar passerte 100 A-kamper i løpet av sesongen. Vetle Hovland, Sondre Hovland, Geir Høyland, Jarle Madland, Truls Vagle og Andreas Aarrestad Time.

Monsen enda sesongen på 199 A-lagsmål totalt, det er 30 mål opp til Sigval Bryne på toppen.
Sondre Hovland, Peter Time, Geir Høyland, Truls Vagle, Kristen Reime og Vetle Hovland tek og store byks på den historiske målsnik-tabellen.