Det er sommerferie på universitetet i New York og Einar Tunheim Lye er heime i tre månadar. Undheimskaren med nesten 50 kamper for Bryne sitt A-lag har dei siste sesongane spelt collegefotball for St. John´s University i New York.

Klar for Rosseland

Denne veka signerte Einar for Rosseland Ballklubb og ser fram til å halda seg i form i fjerdedivisjon dei neste månadane.
- Collegesesongen er kort og intens, det er viktig å halda seg i form og vera forberedt på ein hard sesong. Eg gler med til å bidra for Rosseland og har fått eit godt inntrykk av klubben og trenarane, sier Einar Tunheim Lye.

Med mot Kopervik

Lye, som og trente litt med Rosseland i vinter, er klar for spel allereie når dei oransje møter Kopervik borte Kr. Himmelfartsdag.

- Målet er å innta tabelltoppen etter den kampen og så vera der så lenge som mogleg, sier den offensive midtbanespelaren.

Foto: Privat

Stortrivst

Einar Tunheim Lye er potensielt aktuell for dei neste ni kampane for Rosseland.

• Kopervik (b)
• Frøyland (h)
• Madla (b)
• Tasta (h)
• Skjold (b)
• Klepp (h)
• Varhaug (h)
• Lura (b)
• Nord (b)

Den 14. august går turen etter planen tilbake til New York kor den høgreiste lysluggen stortrivst.
- Eg har det godt i USA, både på og utanfor banen - men no er det Rosseland og sommerjobb som gjeld dei neste tre månadane.