Etter ei litt tung rekke før og etter Jærnåttå, med tap for Bryne og uavgjort mot Varhaug og Klepp, har laga lenger nord fått unngjelde i sommarvarmen.
Rosselandsbanen blir forvandla til leikegrind når gradestokken bikkar 20, og Ola Mæland har fått vera med i leiken.

I debuten mot Hundvåg var USA-studenten banens beste og rada opp med hattrick, mot Midtbygdens herja han i 90 minutt mot gjestene frå Tau.

Sondre Hovland spelte mindre i den første kampen, men noterte seg for scoring. Mot Hundvåg frå start vart det to nye fulltreffarar.

Kaptein Time og Einar Lye held og opp scoringssnittet, Truls Vagle Imre Aune scora begge to mot Hundvåg.
Gledeleg er det og at Vetle Apneseth igjen har funne ut kor målet står.

Det er kjekt å ha mange offensive strenger å spele på når topplaget Sola gjester Rosseland i den neste siste kampen før ferien.
Me håpar på over 20 grader og fleire scoringar. Og sjølvsagt også eit tett forsvar til å halda proffane frå flyplassbygda på avstand.

Rosseland - Hundvåg 11-0 - KAMPFAKTA

Rosseland - Midtbygdens IL 6-1 - KAMPFAKTA